Connection Information

To perform the requested action, WordPress needs to access your web server. Please enter your FTP credentials to proceed. If you do not remember your credentials, you should contact your web host.

Connection Type

वैशाख महिनाभित्र विराटनगरबाट गोरखापत्र प्रकाशित हुने : मन्त्री बस्नेत


विराटनगर, २५ पुस (रासस) : सूचना तथा सञ्चार मन्त्री मोहनबहादुर बस्नेतले आगामी वैशाख महिनाभित्र गोरखापत्र विराटनगरबाट प्रकाशित हुने बताउनुभएको छ ।

गोरखापत्र दैनिकका प्रदेश नं १ र २ का समाचारदाताका लागि आज यहाँ आयोजित एकदिने अनुशिक्षण कार्यक्रममा सो जानकारी दिनुभएको हो ।

उहाँले गोरखापत्र दैनिकको स्थापना दिवस वैशाख २४ गतेको अवसर पारेर विराटनगरबाट पत्रिका प्रकाशित गर्नसमेत निर्देशन दिनुभयो ।

मन्त्री बस्नेतले गोरखापत्रलाई ग्रामीण क्षेत्रका जनतासम्मको पहुँच पु¥याउनुपर्नेमा जोड दिँदै विराटनगरबाट प्रकाशन भएपछि पत्रिकाको बिक्री वितरणमा अझ सुधार हुने विश्वास व्यक्त गर्नुभयो ।

उहाँले नेपालको पत्रकारिताको विकासमा लामो इतिहास बोकेको गोरखापत्रको विकासका लागि सरकारले जस्तोसुकै सहयोग प्रदान गर्न तयार रहेको छ भन्नुहुँदै संस्थानले आफ्नो कार्यलाई प्रभावकारी ढंगबाट अगाडि बढाउनुपर्नेमा जोड दिनुभयो ।

मन्त्री बस्नेतले अहिलेको बजार भनेको प्रतिस्पर्धी रहेको उल्लेख गर्दै व्यवस्थापन सुधार गरेर मुलुकभरि रहेका समाचारदाताको संयुक्त प्रयासबाट पत्रिकाको ख्याति बढाउने कार्यमा अघि बढ्न समेत आग्रह गर्नुभएको छ ।

संस्थानका महाप्रबन्धक वसन्तप्रकाश उपाध्यायले ‘पेपरलेस न्युज डेक्स’, ‘इ–पेपर’लगायत आधुनिक सञ्चारका प्रविधिबाट गोरखापत्रको विकास गरिने जानकारी दिनुभयो ।

गोरखापत्र दैनिकका प्रबन्ध सम्पादक श्रीधर आचार्यले स्थानीय समाचारदाताले उच्च आत्मबल र जिम्मेवारीका साथ काम गर्न आग्रह गर्नुभयो ।

संस्थानका अध्यक्ष गोविन्द पोखरेलले संस्थानको विकासका लागि सहकार्य गरेर अघि बढ्न समाचारदातालाई आग्रह गर्नुभयो । प्रदेश नं १ र २ का विभिन्न जिल्लाबाट सहभागी समाचारदाताले पेशागत सुरक्षा र सुविधाको व्यवस्था गर्न व्यवस्थापनसँग माग गरेका थिए ।

उक्त कार्यक्रममा प्रदेश नं १ र २ का २७ जना समाचारदाताको सहभागिता रहेको थियो । यसैबीच मन्त्री बस्नेतले आजै गोरखापत्र दैनिकको विराटनगर–१९ स्थित निर्माणाधीन कार्यालय तथा प्रेस भवनको निरीक्षण गर्नुभयो । उक्त भवनको करिब ७० प्रतिशत काम सम्पन्न भएको छ ।

विराटनगर–१९ बैजनाथपुरमा करिब रु सात करोड ५० लाख लागतमा निर्माण भइरहेको भवनको निर्माण कार्य आगामी वैशाख २४ गतेभित्र सम्पन्न हुनेछ ।

भवन हस्तान्तरणपछि सोही मितिबाट विराटनगर प्रकाशन आरम्भ गर्ने तयारी संस्थानले थालेको छ । निर्माणाधीन भवनमा गोदाम घर, मेसिन घर, प्रशासनिक भवन, कर्मचारी आवासलगायत रहनेछ । भवनलाई आगामी फागुन १ गतेदेखि आंशिकरुपमा सञ्चालनमा ल्याइने बताइएको छ ।

सम्बन्धित शीर्षकहरु

Close  ×

ताजा अपडेट