गृहमन्त्री थापाले भने, ‘प्रचण्डको घरधनीलाई कारबाही गर्छु’

जेठ २३, काठमाण्डौ । गृहमन्त्री रामबहादुर थापा बादलले समयमा काम पूरा नगर्ने ठेकदारलाई कारबाही गर्ने चेतावनी दिएका छन् ।

गृहमन्त्रालयमा बुधबार आयोजित पत्रकार सम्मेलनमा उनले कानुनविपरित काम गरेर राज्यलाई धोका दिने ठेकदार, धरधनी, सांसद वा ठूला नेता सबैलाई कारबाहीको दायरामा ल्याउने बताएका हुन् ।

थापाले प्रचण्डकै घरधनी भए पनि कारबाही गर्ने बताएका छन् ।

प्रचण्डको घरधनीले नै समयमा काम पूरा नगरेको उदाहरण दिँदै कारबाही गर्नुहुन्छ कि हुन्न भन्ने पत्रकारको प्रश्नमा उनले भने ‘घरधनी होस्, सांसद होस् वा ठूलै नेता किन नहोस, कानुन मान्दैन, राज्यलाई धोका दिन्छ भने कारबाही हुन्छ ।’

नेपाल कम्युनिष्ट पार्टीका अध्यक्ष पु्ष्पकमल दाहाल प्रचण्डको घरधनी शारदाप्रसाद अधिकारीले काठमाडौं वरपर दर्जनौं ठेक्का लिएर समयमा काम पूरा गरेका छैनन् ।

ठेकेदारले समयमा काम पूरा नगरेमा वा ठेक्काको अवहेलना गरेमा त्यसलाई सरकारले गैरकानुनी र ठगी ठान्ने भन्दै गृहमन्त्री थापाले त्यस्ता सबैलाई कारबाही हुने बताए ।


Loading...
Loading...

धेरैले पढेको

Loading...