डोटी, २ कात्तिक । डोटीको बड्डीकेदार गाउँपालिका–२ खड्यौलीमा बिहीबार एक यात्रीबहाक बस दुर्घटना हुँदा तीनजनाको घटनास्थलमै मृत्यु भएको छ ।
बसमा सवार अरु १८ जना घाइते भएका छन् । घाइतेमध्ये चारजनाको अवस्था गम्भीर रहेको जनाइएको छ ।मृत्यु हुनेमा तीनैजना बड्डीकेदार गाउँपालिका–४ का बासिन्दा रहेको स्थानीयले जनाएका छन् ।
डोटीको बर्छेनबाट धनगढीतर्फ जाँदै गरेको सुदूरपश्चिम यातायातको ना३ख ५६४८ नम्बरको बस बिहीबार बिहान पौने १० बजेतिर दुर्घटना भएको हो ।
