वैशाख २८, काठमाण्डौ । भारतका प्रधानमन्त्री नरेन्द्र मोदीले आज जनकपुर आउँदैछन् । भारतको पटनाबाट केही बेरमा नै मोदी जनकपुर आउँने कार्यक्रम छ ।
मोदीले जानकी मन्दिरमा पूजा गर्ने कार्यक्रम तय भएको छ । जानकी मन्दिरका छोटा महन्त रामरोशन दास बैष्णवले मोदीले गर्ने पूजा कार्यक्रमको सम्पूर्ण तयारी पूरा भएको बताएका छन् ।
भारतका प्रधानमन्त्री मोदी र नेपालका प्रधानमन्त्री केपी ओलीले एकसाथ पूजा गर्ने कार्यक्रम रहेको छ ।
नेपाली रेडियो नेटवर्कको कार्यक्रम नेपाली बहसमा ऋषि धमलासँग कुरा गर्दै दासले दुवै प्रमको पूजा कार्यक्रमको तयारी पूरा गरिएको उनले जानकारी दिए ।
“मन्दिर श्रृङ्गारदेखि सरसफाईको काम सकिएको छ । विधि विधान र वैदिक परम्पराअनुसार पूजा अर्चना गराउने तयारीमा छौँ ।” उनले भने ।
“वेदमन्त्र अनुसार नै पूजा गराउँछौँ । उहाँहरुले कति समय दिनुहुन्छ, सोहीअनुसार विधिअनुसार पूजा गराउने हो । तीन मिनेट भए सोहीअनुसार, पाँच मिनेट भए सोही अनुसार र एक घण्टा भए सोही अुनसार । मन्त्र उच्चारण गर्दै पूजा गराउँछाँै ।”
