काठमाडौँ,१३ साउन । गण्डकी प्रदेश स्तरीय पर्यटन खुल्ला फोटो प्रतियोगिता सम्पन्न भएको छ। पर्यटकीय गतिबिधी र गतन्ब्य गरी दुई बिधामा प्रतियोगिता भएको हो।
पर्यटकीय गतिबिधी बिधामा मेरिट मर्हजन प्रथम, देब डंगोल दोस्रो, आदित्य चन्दको फोटो तेस्रो र देव डंगोल चौथो भएका छन्।
त्यस्तै पर्यटकीय गतन्ब्य बिधामा प्रकास बुढा प्रथम, उमिद शाक्य दोस्रो, गेहेन्द्र गुरुङ तेस्रो र शिरीष बिसी चौथो भएका छन्।
असार १९ देखी साउन ५ गतेसम्म अनलाईन सब्मिसन मार्फत गरिएको प्रतियोगितामा पर्यटकीय गतिबिधी बिधामा एक सय १९ र पर्यटकीय गन्तव्य बिधामा तीन सय ३९ फोटो गरी कुल चार सय ५८ फोटो प्रतियोगिता लागि प्राप्त भएको आयोजकले जानकारी दिएको छ। फोटोले पर्यटन क्षेत्रलाई प्रवर्धन गर्न सहयोग पूर्याउने भएकाले यो प्रतियोगिता आयोजना गरेको आयोजकको भनाइ छ।
गण्डकी प्रदेश उध्योग, पर्यटन वन तथा वतावरण मन्त्रालयको आयोजना तथा नेपाल पर्यटन बोर्डको प्रवर्धनमा प्रतियोगिता सम्पन्न भएको हो। गण्डकी प्रदेश स्तरीय पर्यटन खुल्ला फोटो प्रतियोगिताको प्रत्येक विधाका प्रथम, दोस्रो, तोस्रो र चौथो हुनेलाई नगद क्रमशः ३०, २०, १५ र १० हजार रुपैयाँ पुरस्कार प्रदान गरिएको छ।
