काठमाडौँ,३१ साउन । भारतीय क्रिकेट टोलीका कप्तान विराट कोहली ‘आइसिसि ओडिआइ’ र्याङकिङको एक नम्बरमा पर्न सफल भएका छन्। अस्ट्रेलियाका डेभिड वार्नरलाई पछि पार्दे वन डे इन्टरनेशनलको सूचीमा ८७३ को रेटिङसहित विराट शीर्षस्थानमा परेका हुन्।
विराट र वार्नरबीच १२ अंक मात्र फरक छ। यो दुरी बढाउन विराटले आइतबार हुने एकदिवसीय खेल श्रृंखलामा राम्रो मौका पाउने जानकारहरुले गरेको अनुमानहरुमा बताईएको छ।
त्यस्तै यो सूचीमा भारतीय पूर्व कप्तान महेन्द्र सिंह धोनी १२ औं, शिखर धवन १३ औं, उप कप्तान रोहित शर्मा १४ औं स्थानमा छन्। यो सूचीको १० नम्बरसम्म कोही भारतीय बलर परेका भने छैनन्। १३ औं स्थानमा भने भुवनेश्वर कुमार छन्।आइसिसि वानडे टिम र्याङकिङमा भारत हाल तीन नम्बरमा छ। एजेन्सि
