काठमाडौं, भदौं २ । अमेरिकन लिग मेजर सकर लिग क्लब जान युभेन्टस् छाडेर क्रिष्टियानो रोनाल्डो आवद्ध इटालियन सिरी ए च्याम्पियन युभेन्ट्सका भेट्रान मिडफिल्डर क्लाउडियो मार्चिसियोले क्लब छोडेका छन् ।
मार्चिसियोले सिनियर टोलीमा डेब्यू सन् २००६ मा गरेका थिए। क्लबसँग आगामी सन् २०२० सम्म करार सम्झौता रहेको मार्चिसियोले क्लबको अनुबन्ध समाप्त गर्न सहमत भएका हुन्। ३२ वर्षीय मार्चिसियो युभेन्ट्सको युथ टोलीहुँदै सिनियर टिममा आएका खेलाडी हुन्। शुक्रबार युभेन्ट्स छाडेका उनी केही दिनमै मेजर सकर लिग क्लब जाने बताईएको छ।
बल ब्वाई हुँदै खेलाडी बनेका मार्चिसियोले युभेन्ट्सबाट ३८९ खेलबाट ३७ गोल गरेका छन्। मार्चिसियोले युभेन्ट्सबाट ७ पटक सिरी ए लिग र ४ पटक कोप्पा इटालिया जितेका छन्।
पछिल्लो समय सन् २०१६ मा घुँडाको इन्जुरीले ६ महिना मैदान बाहिर रहेका मार्चिसियोले गत सिजन २० खेल मात्र खेलेका थिए । मर्चिसियोले शुक्रबारदेखि युभेन्ट्ससँगको २५ वर्षे यात्रामा पूर्णविराम लगाउन गैरहेका हुन ।
