काठमाडौं, ३ भदौ । केलियन एम्बाप्पे र नेइमारले गोल गरेपछि पेरिस सेन्ट जर्मेन पीएसजीले फ्रान्सेली लिग वानमा सहज जित निकालेको छ ।
पहिलो हाफमा एक शून्यले पछाडि परेको स्थितिलाई उल्ट्यादै पीएसजीले गुईनग्यापमाथि ३-१ को सहज जित निकालेको हो। पीएसजीको जितमा बैकल्पिक खेलाडीको रूपमा मैदान छिरेका एम्बाप्पेले २ गोल गरे भने नेइमारले १ गोल गरेका थिए।
खेलको २० औ मिनेटमा गुईनग्यापका लागि नोलन रोक्सले गोल गर्दै सुरुवाती अग्रता लिएको थियो। पहिलो हाफसम्म १-० ले पछि परेको पिएसजीले दोस्रो हाफमा उत्कृष्ट कमब्याक गर्यो।
खेलको ५३ औं मिनेटमा नेयरमाले पेनाल्टीमा गोल गर्दै खेललाई बराबरीमा ल्याएका थिए । खेलको ८२ औं मिनेटमा एम्बाप्पेले गोल गर्दै पिएसजीलाई अग्रता दिलाए। उनले एन्जल डी मारियाको पासलाई सदुपयोग गर्दै गोल गरेका हुन्।
खेलको अन्तिम मिनेटमा नेयमारको पासमा व्यक्तिगत दोस्रो गोल गर्दै एम्बाप्पेले पीएसजीलाई महत्वपूर्ण तीन अंक दिलाएका हुन्।
लिग चरणका सुरूवातको दुवै खेलमा जित हात पार्दै पीएसजीले ६ अंक जोडेको छ। दुवै खेलमा पराजित गुईनग्याप अंक विहिन हुँदै तालिकाको पुछारदेखि दोस्रोमा छ। एजेन्सीको सहयोगमा
