भदौ ९, काठमाण्डौ । निर्मला पन्तको हत्यामा संलग्नलाई कारवाहीको माग गर्दै शुक्रबार भएको आन्दोलनमा प्रहरीले गोली प्रहार गरेपछि समस्या थप जटिल बन्दै गएको छ ।
सरकारले १३ वर्षीया बालिका निर्मला पन्तको हत्यालाई लिएर भइरहेको आन्दोलन स्थगित गर्न कञ्चनपुरबासीलाई आहृवान गरेको छ ।
आन्दोलनका क्रममा प्रहरीले चलाएको गोली लागेर शुक्रबार मात्र एक बालकको मृत्यु भएको छ । सरकारले भने आन्दोलनमा घुसपैठ भएको दाबी गरेको छ ।
यस घटनामा पनि सरकार र प्रमुख प्रतिपक्षबीच टकराव देखिएको छ ।
नेपाली कांग्रेस संसदीय दलकी सचेतक पुष्पा भुसालले कञ्चनपुरमा भएको घटनाको जिम्मेवारी राज्यले नै लिनुपर्ने बताएकी छिन् । निर्मला पन्तको बलात्कार र हत्या गर्नेलाई पक्राउको माग गर्दै आन्दोलन उत्रिने कांग्रेस कार्यकर्ता नभै सबै जनता भएको भुसालले बताइन् ।
“देशमा यस्तो जघन्य घटना भइरहेको छ । सरकार–राज्यमा बसेकाहरु नै गैरजिम्मेवरा अभिव्यक्ति दिन्छन् । यस्ता घटनालाई राजनीतिकरण भन्छन्, अनि समस्याको समाधान कसरी हुन्छ ?” भुसालले भनिन् ।
न्यायको लागि आवाज उठाउँदा राजनीतिकरण भयो भन्नुको अर्थ सरकारले घटनालाई सामान्य ढंगले लिएको उनका तर्क छ ।
राजनीतिकरणको नाममा महिला हिंसाविरुद्ध सडकमा उत्रिएका जनतालाई दमन गर्ने, गोली चलाउने जस्ता काम सरकारले तत्काल बन्द गर्नुपर्ने भुसालको भनाई छ ।
समस्या समाधानका लागि भन्दा पनि आन्दोलन थप उग्र बनाउनमा राज्यको भूमिका देखिएको भुसालको जिकिर छ ।
सम्बन्धित समाचार :
कञ्चनपुरमा सरकारी सम्पत्ति जोगाउनका लागि प्रहरीले गोली हानेको हो : गृहमन्त्रालय
नेकपालाई कञ्चनपुर घटनाको तनाव, कांग्रेसलाई आन्तरिक भागबण्डाले सतायो
प्रधानमन्त्रीलाई पुष्पा भुसालको प्रश्न –महिला हिंसाविरुद्ध सडकमा उत्रिदा किन गोली प्रहार ?
सरकारलाई कांग्रेस प्रवक्ताको प्रश्न : काठमाडौमा संकल्प प्रस्ताव कंचनपुरमा गोलि ?
कञ्चनपुर घटनाले उग्ररूप लियो : आफ्नै क्षेत्रकी मन्त्री बीना विदेशमा, मेयरको घरमा आगजनी
निर्मला पन्त बलात्कार–हत्याविरुद्ध संसदमा हंगामा
सक्कली दोषी लुकाएर ‘पागल’ लाई अघि सारेपछि प्रहरी प्रशासन संकटमा
निर्मला पन्त हत्या प्रकरणलाई कांग्रेसले उचाल्यो : भीम रावल
निर्मला हत्या प्रकरण : वास्तविक अपराधी उम्किदैन, अनुसन्धान तलमाथि हुँदैन : एसपी कठायत
कञ्चनपुरको कफ्र्यू अझै हटेन, सर्वदलीय बैठक सुरु, सन्नी खुनालाई शहीद घोषणा गर्न माग
