कञ्चनपुरको कफ्र्यू अझै हटेन, सर्वदलीय बैठक, खुनालाई शहीद घोषणा गर्न माग

भदौ ९, काठमाण्डौ । १३ वर्षीय निर्मला पन्तको बलात्कारपछि हत्या भएपछि महेन्द्रगर तनावग्रस्त बनेको छ । स्थानीय आन्दोलित बनेका छन् ।

आन्दोलन कसरी रोक्ने र हत्यारालाई पक्राउ गर्ने विषय चुनौतिपूर्ण बन्दै गएको छ । यसैबीचमा महेन्द्रनगरमा बिहानदेखि सर्वदलीय बैठक सुरु भएको छ ।

जिल्ला सम्पूर्ण राजनीतिक दल, नागरिक समाज तथा मानव अधिकारकर्मी उपस्थित भई अहिले जिल्ला प्रशासन कार्यालयमा बैठक बसिरहेको छ । हिजोदेखि लागेको कर्फ्यू भने यथावत रहेको छ ।

महेन्द्रनगर बजार सुनसान छ भने सडकमा सुरक्षाकर्मीको बाक्लो उपस्थिति रहेको छ । पन्तको बलात्कारपछि हत्या गरेको आरोपमा एक मानसिक सन्तुलन गुमाएको व्यक्तिलाई प्रहरीले पक्राउ गरी वास्तविक दोषी उम्काउन खोजेको आरोपमा स्थानीयहरु आन्दोलनमा छन् ।

यसैबीच शुक्रबार गोली लागि मृत्यु भएका भीमदत्त नगरपालिका १८ भगतपुर घर भएका सन्नी खुनाका परिवारले दोषिलाई कारवाहीको माग गरेका छन् ।

भीमदत्त नगरपालिका कार्यालयका कर्मचारीसमेत रहेका सन्नीका बुवा बिरु खुनाले छोरालाई सहिद घोषणा गर्नुपर्ने मग गरे ।

भीमदत्त नगरपालिका मेयर सुरेन्द्र विष्टले हिंसात्मक घटनाप्रति निष्पक्ष छानबिन गर्न माग गरेका छन् । नगरपालिकाले तत्काल तीन लाख रुपैयाँ राहत दिने घोषणा गरेका छन् ।

सम्बन्धित समाचार :