निर्मला हत्या प्रकरण : एसपीका छोरा र मेयरका भतिज छानविनको दायारमा

भदौ ९, काठमाण्डौ । कञ्चनपुरकी १३ वर्षीय छात्रा निर्मला पन्तका हत्यारालाई तीन हप्तासम्म खोजविन र कारवाही नगरेको आरोपमा गृहमन्त्रालयले प्रहरी अधिकारीहरुमाथि छानविन गर्ने भएको छ ।

गृहले एसपी, डीएसपी र मुद्दा फाँटका प्रहरीलाई गृहमन्त्रालयले थप कारवाही प्रक्रिया अगाडि बढाएको छ ।

घटनामा अनुसन्धानको माग भइरहेकाले एसपीका छोरालाई समेत पक्राउ गरिने भएको छ ।

निर्मलाको हत्याको घटनामा निश्पक्ष छानविन गर्नुको साटो तीन हप्तासम्म जिम्मेवारी ननिभाएको आरोप लागेपछि गृहमन्त्रालयले भदौ ७ गते कञ्चनपुरका एसपी डिल्लीराज विष्ट, डीएसपी ज्ञानबहादुर सेटी र प्रमुख जिल्ला अधिकारीलाई फिर्ता बोलाउने निर्णय गरेको थियो ।

अब उनीहरुलाई गृहमन्त्रालयमा झिकाएर कञ्चनपुर घटनाबारे वयान लिने तयारी गरिएको छ ।

साथै जिल्ला प्रहरी कार्यालय कञ्चनपुरमा कार्यरत मुद्दा फाँटका प्रहरी अधिकारीलाई पनि गृहमन्त्रालयमा बोलाएर सोधपुछ गर्न लागिएको बताइएको छ ।

निर्मला पन्तको हत्याको अनुसन्धान गर्ने क्रममा प्रहरीले शनिबार बिहान बबिता बम र रोशनी बमलाई पक्राउ गरेको छ ।
दिदी बहिनीलाई भेट्न एसपी डिल्लीराज विष्टका छोरा र मेयर सुरेन्द्र विष्टका भतिज प्रायजसो आइरहने गरेको स्थानीयबासीको भनाइ छ ।

निर्मलाको बलात्कार सम्बन्धी घटनामा शंकास्पद देखिएको भनिएका एसपीका छोरा र मेयरका भतिजालाई समेत अनुसन्धानको दायरामा ल्याउन गृहमन्त्रालयले जिल्लालाई निर्देशन दिनेबारे प्रधानमन्त्री र गृहमन्त्रीवीच छलफल भएको बताइएको छ ।

यसका साथै बलात्कार र हत्याको घटनामा अनुसन्धानका लागि यसअघि पक्राउ गरेर तारेखमा छाडिएका दुई युवालाई पनि पक्राउ गरेर थप अनुसन्धान गरिने भएको छ ।

सम्बन्धित समाचार :