काठमाडौं, ९ असोज । पत्रकार ऋषि धमलाले निर्माण गरेको नेपाली चलचित्र अनुरागको अहिले देशैभरि चर्चा तथा परिचर्चा भैरहेको छ । असोज १२ गते प्रदर्शनमा आउदै गरेको चलचित्र अनुरागको टिम आक्रमक रुपमा प्रचारमा उत्रिएको छ ।
राजधानीका विभिन्न स्कुलहरुमा अनुरागको टिम यसअघि नै पुगेको छ । चलचित्र निर्माणको सुरुवातदेखिनै चर्चामा रहेको यस चलचित्र प्रदर्शन मिति तय भएसँगै झनै चर्चा चुलिएको हो । चलचित्र हेर्नका लागि सर्वसाधारणदेखि कलाकार, नेता, मन्त्रीलगायत प्रतिष्ठित व्यक्तिहरुको पर्खाई रोचक बन्दै गएको छ ।
तीन शीर्ष नेताहरु प्रधानमन्त्री केपी ओली, नेकपा अध्यक्ष पुष्पकमल दाहाल, नेपाली कांग्रेसका सभापति शेरबहादुर देउवाले समेत चलचित्र हेर्ने घोषणा गरिसकेका छन् ।
उनीहरुको उत्साहसँगै अन्य नेता र मन्त्रीहरु पनि चलचित्र हेर्न आँतुर देखिएका छन् । मन्त्रीका पत्नी तथा महिला नेतृहरु पनि चलचित्र हेर्न इच्छुक देखिएका छन् ।
दुई वटा सन्तानकी आमा एलिजा गौतमद्धारा अभिनित भएकाले महिला नेतृहरुले प्रशंसा गर्दै चलचित्र हेर्न जाने बताएका छन् । नेतृहरु ओनसरी घर्ती, सन्ध्या पहारी, अष्टलक्ष्मी शाक्य, मिरा ध्वुजुलगायतका नेतृहरुले आफू चलचित्र अनुराग हेर्न आतुर रहेको बताएका छन् । ऋषि धमलाको फिल्म हेर्न सबै पक्ष तयार रहेको बताईएको छ ।
