फ्रान्सेली लिग वान : पीएसजी गोल वर्षा, ११ अंकको अग्रता

पीएसजीका लागि स्टार फरवार्ड नेयमार बिनै मैदानमा उत्रिएको उसले एमिएन्सलाई ५-० को फराकिलो अन्तरमा हराएको हो। पीएसजीलाई लगातार दशौँ लिग खेलमा जित दिलाउन किलियन एमबाप्पे, मार्किन्होस, एड्रीएन राबिओट, जुलियन ड्राक्सलर र डीयाबी गोल गरेका थिए।

खेलको १२ औं मिनेटमा डिफेन्डर मार्किन्होसले गोल गर्दै टिमलाई सुरूवाती अग्रता अग्रता दिलाएका थिए। खेलको ४२ औं मिनेटमा डी मारियाको पासमा एड्रीएन राबिओटले गोल गर्दै पीएसजीको अग्रता दोब्बर पारे।

पहिलो हाफमा २-० ले अगाडि रहेको पिएसजीले दोस्रो हाफमा थप ३ गोल गर्‍यो। दोस्रो हाफ ८० औं मिनेटमा जुलियन ड्राक्सलरले गोल गर्दै पीएसजीको अग्रता ३-०मा पुर्‍याए। लगत्तै किलियन एमबाप्पेले गोल गर्दै टिमको अग्रता ४-० मा पुर्‍याए।
उनले मौसा डीयाबीको पासमा सहज गोल गरेका थिए।

यस्तै खेल सकिन तीन मिनेट बाँकी हुँदा डीयाबीले गोल गर्दै पीएसजीलाई फराकिलो जित दिलाए। योसँगै लिगमा लगातार १० खेलमा जित हात पारेको पीएसजीले ३० अंक जोडेको छ।

एक खेल कम खेल्दै दोस्रो स्थानमा रहेको लिलको ९ खेलबाट १९ अंक छ। त्यसपछि १० खेलमा १७ अंक जोडेको लियोन तेस्रो स्थानमा छ।

एजेन्सीको सहयोगमा