काठमाडौं २८ मंसिर । पाल्पाको जिप दुर्घटना हुँदा ५ जनाको मृत्यु भएको छ भने ४ जना घाइते भएका छन्। जल्पाबाट बहादुरपुर जादैँ गरेको लु १ च २६५३ नम्बरको जिप दुर्घटना गएराती दुर्घटना भएकाे हाे। दुर्घटनामा माथागढी गाउँपालिका वडा नंं ८ की ३३ वर्षीय यानिसर गाँहा, बुमा कुमारी दर्लामी, रेवतबहादुर जि.सी., कुनिसरा रुचाल र जिप चालक २० वर्षीय विरेन्द्र रानाकाे मृत्यु भएकाे जिल्ला प्रहरी कार्यालय पाल्पाले जनाएको छ।
प्रहरीका अनुसार दुर्घटना माथाँगढी ८ कै ४० वर्षीय सुरेन्द्र मश्राङ्गी, ४० वर्षीय देव सिंह राना, २६ वर्षिय शान्ता रुचाल र उनको ३ वर्षिय छोरी घाइते भएका छन्। घाइतेहरुको लुम्बिनी मेडिकल कलेज तानसेन प्रभासमा उपचार भइरहेको छ। घाइतेमध्ये शान्ता रुचालको अवस्था गम्भीर रहेको अस्पतालका चिकित्सकले बताएका छन्।
जिप आफैँ अनियन्त्रित भई सडकबाट करिब ९ सय मिटर तल खसेको प्रहरीले जनाएको छ। कच्ची ग्रामिण सडक र दुर्घटनास्थल अत्याधिक भीर भएको ठुलो क्षति भएको पाल्पा प्रहरीले जनाएको छ। घटनास्थल सदरमुकाम तानसेनबाट ६० किलोमिटर पुर्व दक्षिण रहेको छ। मृतकको शव पोष्टमार्टमको लागी जिल्ला अस्पतालमा ल्याईएको छ।
