काठमाडौँ,१३ पुस । इंग्लिस प्रिमियर लिग फुटबलमा वेष्ट ह्याम युनाईटेडले साउथ ह्याम्पटनलाई २–१ गोल अन्तरले पराजित गरेको छ।साउथह्याम्पटनको मैदानमा भएको खेलमा वेष्ट ह्यामको तर्फबाट फेलिपे एन्डर्सनले दुबै गोल गरेका थिए भने साउथह्याम्प्टनका तर्फबाट नाथन रेडठमण्डले मात्र एक गोल फर्काउन सकेका थिए।
जितसँगै वेष्ट ह्याम युनाईटेड १९ खेलबाट २७ अंक जोड्दै तालिकाको नवौं स्थानमा उक्लिएको छ। समान खेलबाट ५१ अंक जोडेको लिभरपुल शीर्ष स्थानमा छ।
४५ अंक जोडेको टोटनह्याम दोस्रो स्थानमा रहँदा ४४ अंकसहित म्यान्चेस्टर सिटी तेस्रो, ४० अंकसहित चेल्सी चौथो तथा ३८ अंकसहित आर्सनल पाँचौ स्थानमा छ।ऐजेन्सी
