काठमाडौं,१४ पुस। म्यानचेस्टर युनाइटेडका पूर्वप्रशिक्षक सर एलेक्स फर्गुसन पाँच वर्षपछि फेरि म्यानचेस्टर युनाइटेडको प्रशिक्षणमा फर्किने कुराले अहिले चर्चा भईरहेको छ।
म्यानचेस्टर युनाइटेड क्लवमा अहिलेसम्मका सफल र लेजेन्ड प्रशिक्षक मानिएका फर्गुसन ५ वर्षपछि क्लबको प्रशिक्षणमा देखिने भएका हुन् ।यसअघि २३ वर्ष म्यानचेस्टर युनाइटेडको प्रशिक्षक रहेर काम गरेका फर्गुसनले सन् २०१२–१३ को सिजनमा क्लबलाई प्रिमियर लिगको उपाधि दिलाएपछि संन्यास लिएका थिए ।
म्यानचेस्टर युसनाइटेडले पोर्चुगिज प्रशिक्षक जोसे मोउरिन्होलाई बर्खास्त गरेपछि अन्तरिम प्रशिक्षकमा काम गरिरहेका ओली गुनरलाई केही टिप्स दिन उनी प्रशिक्षणमा आउने बताइएको छ ।
फर्गुसनले गुनको प्रशिक्षक टिमसँग छलफल गर्ने र टिमको रणनीतिमा पनि कुरा गर्ने बताइएको छ ।गुनरलाई अन्तरिम प्रशिक्षकमा ल्याउन फर्गुसनको पनि हात रहेको अन्तर्राष्ट्रिय सञ्चारमाध्यमहरुले जनाएका छन् ।
गुनर म्यानचेस्टर युनाइटेडको प्रशिक्षकमा नियुक्त भएपछि क्लवले लगातार दुई खेलमा जित निकालेको छ ।फर्गुसनले युनाइटेडको प्रशिक्षण हुँदा कूल ३८ उपाधि जितेका थिए ।जसमा मुख्य १३ प्रिमियर लिग, ५ एफए कप, २ च्याम्पियन्स लिग रहेका छन् ।एजेन्सीको सहयोगमा
