माघ १३, काठमाण्डौ । अंग्रेजी नयाँ वर्ष मनाउन पोखरा पुगेका पूर्वराजा ज्ञानेन्द्र शाह अझै काठमाण्डौ फर्किएका छैनन् ।
पछिल्लो समय आफ्नो सक्रियता बढाउँदै लगेका शाह पोखरामा हुँदा राजावादीसँग भेटघाट र गोप्य छलफल गरेका थिए ।
उनै शाह आज बाराको सीमरा गएका छन् । पारिवारिक भ्रमणको लागि भन्दै शाह सीमरा जाँदैछन् ।
शाहले सीमरामा पनि पोखराकै जस्तो गोप्य भेटघाट गर्ने बताइएको छ । यस्तै उनी त्यहाँ रहेका विभिन्न शक्तिपिठको दर्शनमा पनि सहभागि रहनेछन् ।
पूर्वराजा निकट स्रोतका अनुसार उनी पूर्वरानी कोमल राज्यलक्ष्मी शाहसहित बुद्ध एयरको विमानमार्फत अपरान्ह ४ बजे सीमरा प्रस्थान गर्नेछन् ।
पूर्वराजा ज्ञानेन्द्र र पूर्वरानी कोमलसँगै निजी सचिव सागर तिमल्सिना र निजी सुरक्षा गार्ड सशस्त्रका डिएसपी शिव राउत पनि सीमरामा जानेछन् ।
सिमरा स्थित प्रभु शमसेर राणाको निवासमा शाह बस्ने कार्यक्रम रहेको छ । उनी सिमराबाट पूर्वी तराईको भ्रमणमा निस्कनेछन् ।
पूर्व राजाको सुरक्षा सहितको सवारी साधन भने यसअघि नै सिमरा पुगिसकेको बताइएको छ ।
