काठमाडौं, १६ माघ । इङ्लिस प्रिमियर लिग फुटबलमा म्यान्चेस्टर सिटी पराजित हुँदा म्यान्चेस्टर युनाईटेड बराबरीमा रोकिएको छ ।
गएराति भएको खेलमा सिटीलाई न्युकासल युनाईटेडले २–१ ले हरायो । खेलमा सिटीका सर्जियो अगुएरोले पहिलो गोल गरे । तर न्युकासलका सोलोमन रन्डन र म्याट रिचीले एक–एक गोल गर्दै घरेलु टोलीलाई विजयी गराए ।
प्रिमियर लिग फुटबलमा म्यान्चेस्टर युनाईटेडलाई बर्न्लेले २–२ गोलको बराबरीमा रोक्दा आर्सनलले कार्डीफ सिटीलाई २–१ ले हराएको छ ।
यसैगरी एभर्टनले हडर्स्फिल्ड टाउनलाई १–० ले हराउँदा वुल्भरह्याम्पटन वान्डरर्सले वेष्ट ह्याम युनाईटेडलाई ३–० ले पराजित गरेको छ । गएराति फुल्हमले ब्राईटनमाथि ४–२ को जित निकाल्यो ।
प्रिमियर लिग फुटबलमा आज चार खेल हुनेछन् । शीर्ष स्थानको लिभरपूलले लेष्टर सिटीसँग खेल्दा चेल्सीले बर्नमाउथको सामना गर्नेछ ।
यसैगरी टोटनह्याम हट्सपरले वाट्फोर्डसँग खेल्दा साउथह्याम्पटन र क्रिष्टल प्यालेस भिड्नेछन् । एजेन्सीको सहयोगमा
