काठमाडौं, १२ बैशाख । सरकारले कतारका लागि नेपाली राजदूत रमेश कोइरालालाई फिर्ता बोलाउने निर्णय गरेको छ । बैशाख ५ गते बिहीबार र बैशाख १० गते मंगलबार बसेको मन्त्रिपरिषदको बैठकको निर्णय सार्वजनिक गर्दै सरकारका प्रवक्ता सूचना तथा सञ्चारमन्त्री गोकुल प्रसाद बाँस्कोटाले आज जानकारी गराएका हुन् ।
त्यस्तै बैठकले नेपाली सेनाका उपरथी गौरव तण्डुललाई रथीमा बढुवा गरेको छ । त्यस्तै सहायकरथी सुनिलकुमार सिंहलाई प्राविधिक उपरथी र ५ जना महासेनानीहरुलाई सहायक रथी दर्जामा बढुवा गरेको छ ।
त्यस्तै बैठकले बारा र पर्सामा हावाहुरीले क्षतिग्रस्त घर निर्माणका लागि सरकारले नेपाली सेनालाई ८४ करोड ६८ लाख रुपैयाँ दिने निर्णय गरेको छ ।
मन्त्रिपरिषद् बैठकले गरेका प्रमुख निर्णयहरू:
= आर्थिक वर्ष २०७६/७७ देखिको बजेट तर्जुमाका लागि सात वटै प्रदेशमा प्रदेश मन्त्रालयगत बजेट सूचना प्रणाली (Provincial Line Ministry Budget Information System, P-LMBIS) प्रयोगमा ल्याउन स्वीकृती दिइएको छ ।
=सम्माननीय उपराष्ट्रपति श्री नन्दबहादुर पुनको अष्ट्रिया भ्रमण स्वीकृत गरिएको छ ।
= आन्तरिक मामिला तथा कानुन मन्त्रालय, प्रदेश नं. १ विराटनगरले खरिद गरी प्रदेशअन्र्तगतका स्थानिय तहहरूलाई वितरण गर्ने ७० थान; सामाजिक विकास मन्त्रालय, कर्णाली प्रदेश, सुर्खेतले खरिद गरि प्रदेशअन्र्तगतका अस्पतालहरूलाई वितरण गर्ने १० थान तथा सामाजिक विकास मन्त्रालय, सुदुरपश्चिम प्रदेश, धनगढीले खरिद गरी प्रदेशअन्र्तगतका विभिन्न अस्पताल र स्वास्थ्य संस्थालाई वितरण गर्ने १६ थान एम्बुलेन्स पैठारीका बखत १ प्रतिशत भन्सार महसुल लिई बाँकी भन्सार महसुल छुट दिने निर्णय गरिएको छ । उक्त एम्बुलेन्सहरू भन्सार छुटमा एम्बुलेन्स आयात नगरेका स्थानीय तहलाई वा एम्बुलेन्स नभएका स्थानीय तहका सरकारी स्वास्थ्य चौकी, प्राथमिक स्वास्थ्य केन्द्र वा अस्पताललाई मात्र वितरण गरिनेछ ।
= बारा जिल्लास्थित हुलाकी राजमार्गअन्तर्गत मानमत–कलैया–मटिअर्वा सडकको कलैया बजारखण्डको बस्ती क्षेत्र (Built Up Area) को सडक विस्तारका लागि आवश्यक पर्ने जग्गा अधिग्रहण (प्राप्त) गर्न स्वीकृति प्रदान गरिएको छ ।
= भैरहवा–लुम्बिनी–तौलिहवा सडक योजना भैरहवा–रूपन्देहीअन्र्तगत तौलिहवा न.पा. वडा नं. १ स्थित जमुवार खोलामा नयाँ वक्स कल्भर्ट निर्माण हुने जग्गाको सीमाभित्र परेका जग्गामा जग्गा प्राप्ति ऐन, २०३४ को दफा ३ बमोजिम जग्गा प्राप्त गर्न स्वीकृति प्रदान गर्ने निर्णय गरिएको छ ।
= पुष्पलाल (मध्यपहाडी) लोकमार्ग आयोजना (पश्चिम खण्ड) नुवाकोट जिल्लाअन्र्तगत देउडी–कटुन्जे सडकमा पर्ने कागुणे खोला पुलको लागि जग्गा प्राप्ति ऐन, २०३४ को दफा ३ बमोजिम जग्गा अधिग्रहण गर्न स्वीकृति प्रदान गर्ने निर्णय गरिएको छ ।
=विद्यालय क्षेत्र विकास कार्यक्रमका लागि विश्व बैंकले उपलब्ध गराउने करिब रू २ अर्व ६५ करोड ७७ लाख (अमेरेकी डलर २३.९५८ मिलियन) बराबरको अनुदान सहायता स्वीकार गर्ने सम्बन्धमा अप्रिल २२, २०१९ मा काठमाडौंमा हुने वार्तामा नेपाल सरकारको तर्फबाट अर्थ मन्त्रालय, अन्तर्राष्ट्रिय आर्थिक सहायता समन्वय महाशाखाका सहसचिवको नेतृत्वमा वार्ता टोली गठन गरि विकास सहायता नीति, २०७१ बमोजिम विश्व बैङ्कसँग वार्ता गर्न अख्तियारी दिइएको छ ।
= २०७६ कार्तिक १९–२१ तदानुसार November 5-7, 2019 df Scaling UP Nutrition(SUN) Global Gathering नेपालमा आयोजना गर्ने निर्णय गरिएको छ ।
=Agreement between the Government of the People’s Republic of China and the Government of Nepal on Preventing the theft, clandestine excavation and illicit import and export of cultural property मा हस्ताक्षर गर्न स्वीकृति प्रदान गरिएको छ ।
= रूपन्देही जिल्ला, बुटवल उपमहानगरपालिका र सैनामैना नगरपालिकाअन्तर्गत बहाल विटौरी, कोदाले र आँकडा लगत बमोजिम बसोबास गरेका व्यक्ति वा परिवारका नाममा जग्गा दर्ता सम्बन्धित समिति गठन आदेश, २०७६ स्वीकृत गरिएको छ ।
=सहुलियतपूर्ण कर्जाका लागि ब्याज अनुदानसम्बन्धी एकीकृत (पहिलो संशोधन) कार्यविधि २०७५ लाई स्वीकृति प्रदान गरिएको छ ।
