काठमाडौं । कोपा अमेरिका फुटबलमा साविक विजेता चिलीले लगातार दोस्रो जित हात पारेको छ । आज बिहान भएको समूह चरणको खेलमा इक्वेडरलाई २–१ गोलअन्तरले पराजित गर्दै चिलीले लगातार दोस्रो जित हात पारेको हो ।
१० खेलाडीमा सिमित इक्वेडरविरुद्ध चिलीलाई जित दिलाउन जोसे फियुनजालीडा र एलेक्सिस सान्चेजले एक–एक गोल गरे । इक्वेडरका इन्नर भ्यालेन्सियाले एक गोल फर्काए । खेलको ८९ औं मिनेटमा गाब्रियल एचिलरले रातो कार्ड पाएपछि अन्तिम केही मिनेट इक्वेडर १० खेलाडीमा समेटिएको थियो ।
जितसँगै चिलीले क्वाटरफाइनलमा स्थान पक्का गरेको छ । समूह ‘सी’ मा रहेको चिलीले २ खेलबाट ६ अंक जाड्दै तालिकाको शीर्ष स्थानमा रहेको छ । इक्वेडर भने लगातार दुई खेलमा पराजित हुँदै तालिकाको पछारमा छ । यो समूहमा उरुग्वेको ४ र जापानको १ अंक छ । एजेन्सीको सहयोगमा
