काठमाडौं । आयोजक इजिप्ट र नाईजेरिया अफ्रिका कप अफ नेसन्स फुटबल प्रतियोगिताको प्रि–क्वाटरफाइनलमा प्रवेश गरेका छन् । गएराती भएको समुह ‘ए’ को खेलमा प्रजातान्त्रिक गणतन्त्र कंगोलाई २–० ले हराउँदै इजिप्ट नक आउट चरणमा पुगेको हो ।
खेलमा इजिप्टलाई विजयी गराउन एल मोहोमादी र मोहोमद सलाहले एक एक गोल गरे । यही समुहको अर्को खेलमा युगान्डा र जिम्बाबेले एक–एक गोलको बराबरी खेले । समुहमा लगातार दुई खेल जितेको इजिप्ट ६ अंकसहित प्रि–क्वाटरफाइनलमा पुग्दा ४ अंक जोडेको युगान्डा दोस्रो स्थानमा छ ।
उता समुह ‘बि’ को खेलमा गिनियालाई १–० ले हराउँदै नाइजेरिया पनि राउण्ड अफ सिक्सटिनमा पुगेको छ । खेलमा नाइजेरियाका केनेथ ओमेरोले निर्णायक गोल गरे । यो समुहमा नाइजेरियाले लगातार दुई जित हात पारेको छ । एजेन्सीको सहयोगमा
