काठमाडौं, असार १३ । राजधानीमा सिरिन्ज आतङक मच्चाउने रामेछाम घर भइ हाल महाराजगन्जमा रेस्टुरेन्ट चलाउने सन्तोष कार्की पक्राउ परेका छन । महानगरीय प्रहरी परिसर काठमाडौंले बिहीबार राति १० बजे महाराजगन्जबाट उनलाई पक्राउ गरिएको जनाएको छ ।
कार्कीलाई विभिन्न यूवतीहरुलाई जथाभावी सूई घोच्दै हिाडेको आरोपमा पक्राउ गरेको र बाँकि सोधपुछ जारी रहेको जनाएको छ ।उनले प्रारम्भिक बयानमा आफ्नो अपराध स्वीकार गरेको प्रहरी स्रोतले दाबी गरेको छ। उनले रमाइलोका लागि त्यस्तो गरेको बयान दिएका छन्।
उनी ५ वर्ष दुबई बसेर फर्किएका व्यक्ति हुन्। प्रहरीले आज पत्रकार सम्मेलन गरेर सार्वजनिक गर्ने तयारीमा रहेको छ ।
