लुइस स्वारेजले पेनाल्टी खेर फाल्दा दुई पटकको विश्वकप फुटबल विजेता उरुग्वे पेरुसँग कोपा अमेरिका कप फुटबलमा पराजित भएको छ । शनिबार भएको क्वाटरफाइनलमा पेरुले पेनाल्टी सुटआउटमा उरुग्वेलाई पराजित गरेको हो ।
स्वराजले खेलमा गरेको पहिलो पेनाल्टी प्रहार पेरुका गोलकिपर पेड्रो गालेजले छातिले रोकेका थिए । विश्व चर्चित खेलाडी स्वराज हारपछि रोएका थिए ।
निर्धारित र थप समयमा दुवै टिमले गोल गर्न नसकेपछि खेल पेनाल्टी सुट आउटमा पुगेको थियो । पेरुका सबै खेलाडीले गोल गरेका थिए । सेमिफाइनलमा पुगेको पेरुले चिलीसँग फाइनलका लागि खेल्नेछ ।
