काठमाडौं, १६ असार । चार वर्षिय बालकले आफ्ना बुबाको पासपोर्टमा केरमेट गर्दा पुरा परिवारलाई अप्ठेरोमा पारेका छन । चेन नाम गरिएका चिनिया नागरिक केहि समय पहिले आफ्नो स–परिवार सहित दक्षिण कोरियाको भ्रमणमा गएका थिए ।कोरियाका बसाई सकिनै लाग्दा स्वदेश फर्कने तयारीमा रहेको परिवार त्यति बेला छाँगाबाट खसे जस्तै भयो जव बाबुको पासपोर्ट खोलेर हेरियो ।
भ्रमणमै रहँदा ती बालकले आफ्नो बुबाको पासपोर्टको पछिल्लो पानामा कालो कलमले केही चित्रहरु कोर्न भ्याई सकेका रहेछन जस्का कारण अव उक्त परिवारको स्वदेश फर्कने चाहानामा अप्ठेरो परिदियो ।
बालकले बुबाको पासपोर्टमा मानिस, जनावर र बुबाको अनुहारमा केही रौँ भएका तस्विर कोरिदिएका छन। हेर्दा निकै रमाइलो देखिने उक्त चित्रमा बालकले आफ्ना प्रिय बाबुका चित्र बनाएको बताई रहेका छन ।
अहिले चार वर्षे बालकका बुवा दक्षिण कोरियामा नै रोकिएका छन् । पासपोर्टमा चित्र कोरिएका कारण उनको कागजात प्रस्ट नदेखिँदा अधिकारीहरुले उनलाई कोरिया छोड्न केहि सर्तहरु राखेका छन ।
ती बालकका बुबाले सहयोग माग्दै सामाजिक सञ्जाल वीवो मार्फत पासपोर्टमा कोरिएको चित्र सेयर गरेका छन् । उनी अहिले चिनियाँ दूतावासको हावा खाईरहेको समाचारहरुमा जनाइएको छ ।
