ललितपुर, २१ असार । युवाहरुको सक्रियतामा हजार विरुवा रोपिएको छ । महालक्ष्मी नगरपालिका ८ को गणेशस्थानको डाँडोमा विरुवा रोपिएको हो ।
विरुवा रोप्ने कार्यक्रममा नगरपालिकाका मेयर रामेश्वर श्रेष्ठ, वडाध्यक्ष विश्वराज श्रेष्ठ, स्थानीय विद्यालयका विद्यार्थी तथा समाजसेवीहरुको सहभागिता थियो ।
२५ रोपनीमा फैलिएको जग्गामा रोपिएको विरुवाको संरक्षणका लागि तारबार समेत लगाइएको छ । नगरपालिकाको हरियाली क्षेत्रमध्ये गणेशस्थान निकै महत्वपूर्ण स्थानमा छ । यहाँबाट काठमाडौ उपत्यकाको सुन्दर दृश्य हेर्न सकिन्छ भने गोदावरी पनि नजिकै छ ।
