सधै विवादमा परिरहन्छन् । उनी विवादमा पर्ने कारणमध्ये अभिव्यक्ति त हुँदै हो, त्यसबाहेक महिलासँगको सम्बन्ध र व्यवहार पनि मुख्य कारण हो ।
उनलाई एक वा दुई महिलाले जर्बजस्ती चुम्बन, छुने र यौन दुव्र्यवहार सम्मको आरोप लगाएका होइनन्, त्यो संख्या दर्जनौं छ । संख्या बढ्ने क्रम रहेको र ट्रम्पले खण्डन गर्ने क्रम चल्दै आएको छ ।
ट्रम्पलाई राष्ट्रपति भइसकेपछि धेरै महिलाले दुव्र्यवहारको आरोप लगाउँदै आएका छन् । कसैले जर्बजस्ती चुम्बन गरेको आरोप लगाएका छन् त कसैले शारीरिक सम्पर्क गरेको । त्यस्ता घटना हवाइजहाज देखि डिमार्टमेन्टल स्टोरसम्म घटेको दाबी गरिएको छ ।
राष्ट्रपति चुनावताका ट्रम्पको चुनावी अभियानमा सहभागी अल्भा जोन्सनले आफूलाई ट्रम्पले जर्बजस्ती चुम्बन गरेको आरोप लगाएकी छिन् । उक्त चुम्बनको भिडियो समेत भाइरल भएको छ ।
लेखक इ. जिन करोलले ट्रम्पमाथि जर्बजस्ती शारीरिक सम्पर्क गरेको आरोप लगाएकी छिन् । २३ वर्ष अघि एउटा ड्रेसिङ रुपमा घटनाबारे लेख्दै करोलले स्टोरमा उक्त घटना भएको र ट्रम्पले केही बेर सम्पर्क गरेपछि आफू भागेको दाबी गरेकी छिन् ।
ट्रम्पले हवाइजहाजमा जर्बजस्ती छोएको आरोप जेसिका लिड्सले लगाएकी छिन् । सन् १९७० को दशकको अन्तमा उक्त घटना भएको दाबी जेसिकाले गरेकी छिन् ।
क्रिस्टि एन्डरसनले ट्रम्पले अन्डरवेयरसम्म हात पुर्याएको आरोप लगाइन् । उक्त घटना सन् १९९० को दशकमा भएको भनिएको छ ।
जिल हार्थलाई उनकै केटा साथीको साथमा ट्रम्पसँग डिनरमा बस्दा खुट्टाको बीचमा हात पुर्याएको र जर्बजस्ती चुम्बन गर्न खोजेको आरोप लगाइन् । क्याथी हेलरले पनि जर्बजस्ती चुम्बन गरेको आरोप लगाएकी छिन् ।
पूर्व मिस उटाह टेम्प्ले टागर्ट २१ वर्षको हुँदा ट्रम्पले सार्वजनिक ठाउँमा सिधै ओठमा चुम्बन गरेका थिए । सन् १९९७ मा मिस युएसए हुँदा ट्रम्पले जर्बजस्ती चुम्बन गरेको आरोप टागर्टको छ ।
केरेना भर्जिनियाले ट्रम्पले स्तरमा हात लगेको आरोप लगाइन् । सन् १९९८ मा युएस ओपन टेनिस हुँदा कार सर्भिसको बाहिर कुरिरहेकी भर्जिनियामाथि ट्रम्पले यस्तो दुव्र्यवहार गरेको आरोप छ ।
मिस न्यु हेपिस्पेयर २००० ब्रिडगेट सुलिभानले ट्रम्प मिस युनिभर्सको लुगा फेर्ने कोठामा सिधै छिरेको उल्लेख गरेकी छिन् । सहभागीहरु नाङ्गै अवस्थामा रहँदा ट्रम्प छिरेको उनको आरोप छ । यस्तै आरोप पूर्व मिस एरिजोना टासा डिक्सनले पनि लगाएकी छिन् । ट्रम्पले लुगा फेर्ने कोठामा प्रवेश गरेको अडियो रेकर्ड सुरक्षित छ ।
ट्रम्प महिलासँगको व्यवहारका कारण विगत देखि नै विवादमा आइरहन्थे । रियालिटी टिभी शो चलाउँदा होस् या व्यवसायमा रहँदा नै किन नहोस् महिलालाई सिधै चुम्बन गर्ने, छुने देखि यौन सम्पर्क गरेको घटना समेत एक पछि अर्को गर्दै आइरह्यो । ट्रम्पमाथि महिलाहरुको आरोप र दाबी चलिरहेको छ । ट्रम्पले धेरैजसो महिलाको आरोपको खण्डन गर्दै कतिपयलाई नचिनेको समेत भन्छन् ।
