गुल्मीमा पहिरोले पुरिएर १० को मृत्यु

गुल्मी, ७ साउन । गुल्मीमा पहिरोमा पुरिएर एकै परिवारका ८ सदस्यसहित दश जनाको मृत्यु भएको छ । सत्यवति गाउँपालिकाको २ वटा वडामा पहिरोले घर पुरिँदा १० जनाको मृत्यु भएको जिल्ला प्रहरी कार्यालय गुल्मीले जनाएको छ ।

वडा नम्बर ४ को लिम्घामा एकै घरका ८ जनाको मृत्यु भएको हो । मृतक मध्ये ६ जनाको शव बाहिर निकालिएको छ । अरुको शव निकाल्ने काम भइरहेको प्रहरीले जनाएको छ ।