काठमाडौ, साउन ८ । ग्लोवल रिचको आयोजनामा काठमाण्डौमा अष्ट्रेलियन एजुकेशन मेला हुने भएको छ ।
साउन ११ गते हुने मेलालाई अष्ट्रेलियन युनिभर्सिटि मेला मध्येको विश्वस्नीय एक मेलाको रुपमा लिइएको छ ।
होटल अन्नपूर्णमा आयोजना हुने उक्त मेला विहान १० बजे देखि साँझ ५ बजे सम्म सञ्चालन हुने विज्ञप्ति मार्फत जानकारी गराइएको छ ।उक्त शैक्षिक मेलामा विश्व सूचिमा अग्रस्थानमा रहेका अष्ट्रेलियाका उत्कृष्ठ ३५ युनिभर्सिटिको सहभागिता रहने जनाइएको छ ।
अष्ट्रेलियामा अध्ययन गर्न जान चाहने नेपाली विद्यार्थीले शैक्षिक मेलामा सहभागी विभिन्न युनिभर्सिटिका प्रतिनिधिसंग सिधै भेटघाट गर्नुको साथै युनिभर्सिटिका बारेमा प्रत्यक्ष छलफल गरी आफुले अध्ययन गर्न चाहेको विषय तथा छात्रवृत्तिका सम्बन्धमा यथेष्ट जानकारी लिन सक्नेछन् ।
विगतमा जस्तै ग्लोबल रिचले उपत्यका बाहिर पोखरा, चितवन र बुटवलमा पनि मेला आयोजना गर्ने जनाएको छ ।
साउन १२ गते पोखराको सिटी स्क्वायर बैंङ्केट न्यूरोडमा, १३ गत चितवनको भरतपुर गार्डेन रिसोर्टमा, १४ गते बुटवल स्थित ग्लोवल रिचको अफिसमा मेला सञ्चालन हुने उल्लेख गरिएको छ ।
