काठमाडौं, १६ साउन । स्पेनिस क्लब रियल मड्रिडले इङ्लिस प्रिमियर लिगको क्लब टोटेनह्यामसँग मैत्रीपूर्ण खेल्दा टोलीका मुख्य खेलाडी ग्यारेथ बेल उपस्थित भएनन्।
प्रशिक्षक जिनेदिन जिदानले ग्यारेथ बेल म्युनिखमा हुने खेलका लागि तयार नभएको भन्दै टोलीमा समावेश नगरेको दिन मंगलबार रियाल टोटेनह्यामसँग १–० ले स्तब्ध बन्यो। यसअघि वेल्सका बेल चीनको क्लब जाने चर्चा चलिरहँदा सम्झौता रद्द भएको समाचार बाहिर आएको थियो।
रियालका अध्यक्ष फ्लोरिन्टिनो पेरेजले बेल चीनको क्लब जियाङ्सु सुनिङमा अनुबन्धित हुने चर्चा भए पनि अन्तिम समयमा आएर सम्झौता रद्द गरेको जनाएका थिए। यस्तै प्रशिक्षक जिदानले बेलको बहिर्गमन सबैका लागि राम्रो हुने यसअघि नै जनाएका थिए । एजेन्सीको सहयोगमा
