काठमाडौं । माउण्टेन टेलिभिजनका पत्रकार शालिकराम पुडासैनी होटलमा झुण्डिएको अवस्थामा मृत फेला परेका छन् ।
प्रहरीले २० साउनको दिउँसो चितवनस्थित कंगारु होटलमा झुण्डिएको अवस्थामा उनलाई फेला पारेकोे हो ।
सोमबार दिउसो मात्र होटलको २०२ नम्बर कोठा भाडामा लिएका उनले बेलुकासम्म कोठा बाहिर नआउदा खानाको बारेमा होटलका कर्मचारी सोध्न जाँदा ढोका नखोलेपछि प्रहरीलाई खवर गरिएको थियो । प्रहरीको रोहबरमा ढोका खोल्दा उनी कोठाको पंखामा झुण्डिएको अवस्थामा फेला परेको थिए । माउण्टेन टेलिभिजनमा ‘मिसन न्युज’ कार्यक्रम चलाउँदै आएका उनी न्यूज २४ को सिधा कुरा जनतासंग कार्यक्रममा पनि काम गरिसकेका थिए । घटनाबारे प्रहरीले अनुसन्धान अगाडी बढाएको जनाएको छ ।
