काठमाडौं । पुष्प खड्का र साम्राज्ञी राज्यलक्ष्मी शाहको शीर्ष भूमिका रहेको फिल्म ‘मारुनी’ को ट्रेलर सोमबार सार्वजनिक गरिएको छ। ट्रेलरमा पुष्प खड्का र साम्राज्ञी केन्द्रीय भूमिकामा देखिएका छन। यस्तै ट्रेलरमा रेविका गुरुङलाई पनि देखाइएको छ।
फिल्ममा आयुष प्रधान, अर्जुन श्रेष्ठ, शंकर सेढाइ, विनोद भट्टराई, सुशील श्रेष्ठ लगायतले समेत अभिनय गरेका छन्। फिल्ममा पुनप गौतमको लगानी छ भने नवल नेपालको लेखन तथा निर्देशन छ।
निर्देशक नेपाललाई फिल्म लेखनमा गोविन्द फुयाँलले साथ दिएका छन्। मित्र डी गुरुङको सम्पादन, सञ्जय लामाको छायांकन रहेको यो फिल्म आउँदो भदौ १३ गतेबाट प्रदर्शनमा आउँदैछ।
