मेक्सिकोमा पुलमा झुण्ड्याइएको र सडकमा फालिएको अवस्थामा शव फेला भेटिएको छ । उरुअपन शहरमा तीन अलग स्थानमा ती शवहरु भेटिएका हुन् ।
मेक्सिकोका टेलिभिजनहरुले शवहरुको दृश्य प्रसारण गरेका छन् । अधिकांश शव सडकको फ्लाइओभर र मान्छे हिंड्ने पुलमा झुण्ड्याइएका छन् । केही शव काटेर सडकमा फालिएका छन् । लागूऔषध कारोबारी समूहबीचको भिडन्तले हत्या भएको हुनसक्ने त्यहाँको प्रहरीले जनाएको छ ।
हत्या गरिएर शव फालिएका स्थान र झुण्ड्याइएका ठाउँमा धम्कीसहितको पोष्टर टाँसिएको छ । एउटा समूहले अर्को समूहलाई धम्की दिएको हो । लागूऔषध कारोबारमा स्थान र बजार नियन्त्रण गर्ने उद्देश्यले मानिस मार्ने गरी हत्या भएको त्यहाँको प्रहरीलाई उदृत गर्दै अन्तर्राष्ट्रिय समाचार संस्थाहरुले जनाएका छन् । मेक्सिको लागूऔषध कारोबारीहरुको खतरनाक समूह भएको देश हो । जहाँ ग्याङहरुबीच हिंसात्मक भिडन्त भइरहन्छ । Photo Source: Mexiconewsdaily
