काठमाडौं । सन् १९१२ अप्रिल १५ मा विश्वकै सबैभन्दा विशाल जहाज आरएसएस टाइटनिक आफ्नो पहिलो यात्रामा नै अटलान्टिक महासागरमा डुबेको पुग्यो । त्यस घटनामा करिब १५ सय मानिसहरुले ज्यान गुमाएका थिए ।
उक्त घटनामाथि हजारौं फिल्म र डकुमेन्ट्रीहरु बने पनि हलिउड निर्देशक जेम्स क्यामरुनले बनाएको फिल्म टाइटनिक आजसम्म पनि विश्वकै सर्वाधिक रुचाइएको र धेरै हेरिएको फिल्म मध्ये पर्छ । वास्तविक घटनामा आधारित उक्त फिल्म अहिलेपनि युरोपका केहि देशमा फिल्म हलमा बेला बेला प्रर्दशनमा लाग्ने गर्छ ।
लियोनार्दो डि क्याप्रियो र क्याट विन्सलेट अभिनित उक्त फिल्म १ नोभेम्बर १९९७ मा बनेको हो । फिल्म बनाउन कूल लागत १२५० करोड अमेरिकी डलर लागेको थियो । तर त्यसले १४ हजार करोडभन्दा अधिक कमाई गरेको थियो । यसरी एघार गुणा बढी कमाइ गरेको यो फिल्म कमाईका लागि मात्र नभएर यसले प्राप्त गरेको अवार्डका लागि पनि उच्च स्थानमा छ ।
यस फिल्मका लागि रिल सर्वाधिक प्रयोग भएको थियो । पर्दामा फिल्मलाई जुन महासागरमा देखाइएको थियो, वास्तवमा त्यो एउटा तीन फीट गहिरो स्वीमिङ पुल थियो । फिल्मका दृश्यहरु बन्द कोठामा एनिमेसनको सहयोगबाट छायाँकन गरिएको थियो । फिल्म १४ विधामा ओस्कार अवार्डका लागि चुनिन सफल पनि भयो । जसमा ११ विधामा यसले अवार्ड प्राप्त गरेको थियो ।यस फिल्मको नाम टाइटनिक राख्न अघि ‘प्लानेट आइस’ राख्न लागिएको थियो ।
फिल्ममा पानीको सिनमा अभिनेत्री केटलाई चिसो कपडा लगाउनु पर्ने थियो । जसका कारणले उनी निमोनियाबाट ग्रसित भएकी थिइन् । फिल्म टाइटनिकको लागत वास्तविक जहाजको भन्दा धेरै गुणा ज्यादा थियो ।
फिल्ममा मर्ने रियल लाइफ कपलको नाम इसिडार र इडा स्ट्रास थियो । इडाले बाँच्ने मौका पाएकी थिइन् तर उसले इसिडारलाई छोड्नभन्दा मर्न नै मन पराइन् । एजेन्सी
