भक्तपुरः आफ्नै फर्ममा पालेको गाई मार्ने सिन्धुपाल्चोक घर भई हाल २५ वर्षीय चिरन पुरी पक्राउ परेका छन । चाँगुनारायण नगरपालिका ७ वागेश्वरीमा गाई फर्म खोलेर व्यवसाय गर्दे आएका उनलाई गाई मारेकोे आरोपमा महानगरीय प्रहरी परिसर भक्तपुरले पक्राउ गरेकोे जनाएको छ ।
रक्सीको नशामा लुप्त पुरीले आफैले पालेको गाईलाई विहिवार दिउसोे चिर्पट र कादोलोले हानेर हत्या गरेको आरोपमा पक्राउ गरिएको प्रहरीको भनाई रहेको छ ।
स्थानीयले गौहत्या गरेको भन्ने खबर गरेलगत्तै महानगरीय प्रहरी प्रभाग खरिपाटीबाट खटिएको टोलीले पुरीलाई नियन्त्रणमा लिएको परिसरका प्रवक्ता प्रहरी नायब उपरीक्षक रेवतीरमण पोखरेलको भनाई रहेको छ ।
पक्राउ परेको पुरीमाथी अनुसन्धान भईरहेको पनि उनले जनाकारी गराए ।
