ब्राजिली फुटबल स्टार नेइमार बार्सिलोना जानेबारे कुनै सम्झौता भइनसकेको खुलेको छ । २७ वर्षीय अग्रपंक्तिका खेलाडी नेइमार पेरिस सेन्ट जर्मेनबाट बार्सिलोना जान लागेको चर्चा चलिरहँदा सम्झौता नभइसकेको खुलेको हो ।
यसअघि नेइमार २० करोड युरोमा पिएसजीबाट बार्सिलोना जान लागेको चर्चा चलेको थियो । चोटले सताइरहने नेइमारका लागि बार्सिलोनाले २० करोड हाल्ने प्रस्ताव गरेको थियो । दुई वर्ष अघि पिएसजीले बार्सिलोनासँग नेइमारलाई २२ करोड २० लाख युरो हालेर खरिद गरेको थियो ।
नेइमार खेल कौशलले मात्र नभई आकर्षक व्यक्तित्वका कारण पनि लोकप्रीय छन् । उनलाई भित्राउन बार्सिलोना लागिपर्दै आएको छ । पछिल्लो विकसित घटनाका कारण उनी जाने नजाने अन्यौल भएको छ ।
