कास्की– लागुऔषधसहित तीन जनालाई प्रहरीले पक्राउ गरेकोे छ। पोखरामा महेन्द्र पुल नजिक ग१च ४८६५ नम्बरको कारलाई शङ्का लागि खानतलासी गर्दा उक्त कारमा सवार तीन जना पक्राउ परेका हुन ।
पक्राउ पर्नेमा पोखरा–१० स्थित रामबजारका ४६ वर्षीय कार चालक सुवास गुरुङ, लमजुङ मस्र्याग्दी घर भई हाल पोखराको रानीपौवामा बस्दै आएका २१ वर्षीय युवराज गुरुङ र सोही स्थान बस्ने २२ वर्षीया आशा गुरुङलाई पक्राउ गरिएको गण्डकी प्रहरी प्रदेशको कार्यालय पोखराले जनाएको छ।
चालकको साथमा रहेको कालो झोलाभित्र लागुऔषध नाइट्रोभ्याट–१० लेखिएको १२० चक्की र ९६ हजार ४५० रूपैयाँ बरामद गरिएको प्रहरीले जनाएको छ । उनीहरुमाथी थप अनुसन्धान भईरहेको पनि प्रहरीले जनाएको छ ।
