ख्यातिप्राप्त कथाकार स्वर्गिय ईश्वर मानन्धरको अमर कृति कैदीको–पत्रमा चलचित्र निर्माण गरिएको छ । कृतिमा आधारित उक्त चलचत्रिको सम्पूर्ण छायांकन बेलायतमा गरिएको छ । चलचित्रमा बेलायती नायिकाको अभिनय रहेको जनाइएको छ । चलचित्र अहिले सम्पादनको क्रममा छ ।
२६ जुलाईदेखि छायाँकन शुभारम्भ गरिएको चलचित्रको सम्पादन अर्जुन जि सीले गर्दै छन् । चलचित्रमा रामशरण कोईराला मुख्य सहायक निर्देशक, सुस्मिता थापा सहायक निर्देशक, रामेश्वर कार्की डि ओ पि, कविराज गहतराजको नृत्य, सुरेश सेन्चुरी र बिनम्र कर्माचार्यको संगीत, गोपाल रसाईली र बिशेष पाण्डे म्यूजिक एरेन्जर, सम्राट बस्नेत द्वन्द, आलिया गीरीको ड्रेस, बिजेता श्रेष्ठको मेकअप रहेको छ । भिजन संसार प्रा. लिको व्यानरमा बन्न लागेको उक्त चलचित्रको निर्माता कलिना–रुबिन श्रेष्ठ, हिरान आमिन जोशी र दील घले हुन् । चलचित्रमा म्याडिसन लाजारस, कुनाल विश्व, सलिना थापा मगर, पृथ्वी क्षेत्री, किरण कार्की, क्यारी डुड्स, सुबर्ण थापा, चरण प्रधान, मनिष कुमार श्रेष्ठ र सुस्मिता थापालगायत अन्य कलाकारहरुको अभिनय रहेको छ ।
सनम कुमार बैरागको पटकथा, सम्बाद र निर्देशनमा स्कटल्याण्डको क्रीफ, आबरफेल्दी, केनमोर, ओवन, किलिड्ग, ग्लास्कोमा छायाँकन भएको छ । निर्देशकका अनुसार चलचित्र कैदीको–पत्र नेपालबाट अध्ययनको क्रममा बेलायत आएका एक युवकको कथा हो । कथामा युवकको स्कटिस् युवतीसंगको प्रेम सम्बन्ध र खुशीलाई सम्हाल्न नसक्दा निम्त्यायको दुःखले सिर्जना गरेका परिस्थितिहरुलाई देखाईनेछ ।
