काठमाडौं, ११ असोज । शुभतारा स्कुलको रग्वी खेलको टोली जापानमा छ । टोली विद्यालयस्तरीय जुनियर रग्वी प्रतिष्पर्धामा भाग लिदैछ । उसले शनिबार जापानको रग्बी टोलीसँग खेलेको छ ।
नेपालमा रग्बी खेलको विकास प्रारम्भिक अवस्थामा हुँदा शुभतारा स्कुलले यसलाई निकै महत्व दिएको छ । जापानमा रग्वी विश्वकप भइरहेको बेला शुभतारा स्कुल जुनियर रग्वी प्रतिष्पर्धामा भाग लिन पुगेको हो ।
स्कुल स्तरीय रग्वी खेलमा नेपालको विद्यालय सहभागी हुनुलाई महत्वका साथ लिइएको छ । आफ्नो टोलीले उत्कृष्ट प्रदर्शन गर्ने शुभतारा स्कुलका प्रधानाध्यापक खयाम तिमिल्सिनाले बताए । टोलीले मैत्रीपूर्ण म्याचबाट शुरु गरेको छ ।
तस्बिर सौजन्य: शुभतारा स्कुल
