काठमाडौं, २६ असोज । प्रधानमन्त्री केपी शर्मा ओलीले चिनियाँ राष्ट्रपति सी जिनफिङको दुई दिने नेपाल भ्रमण भव्य रुपमा सम्पन्न भएको बताएका छन् । सी स्वदेश फर्किएपछि प्रधानमन्त्री ओलीले ट्विट गर्दै भनेका छन्,‘मित्रराष्ट्र जनवादी गणतन्त्र चीनका महामहिम राष्ट्रपति सी चिनफिङको दुई दिवसीय ऐतिहासिक नेपाल भ्रमण भव्य रुपमा सम्पन्न भएको छ। उहाँको भ्रमणबाट दुई देशबीचको सम्बन्धले नयाँ उचाई र गतिशीलता प्राप्त गरेको छ।’
त्यस्तै, प्रधानमन्त्री ओलीले नेपाल भ्रमण गरेर नेपाली जनताप्रति सद्भाव र सदिच्छा देखाएकोमा पनि सीलाई धन्यवाद दिएका छन् । उनले भनेका छन्,ंनेपाल भ्रमण गरी नेपााल र नेपाली जनताप्रति देखाउनु भएको सद्भाव र सदिच्छाका लागि उहाँप्रति आभार व्यक्त गर्दछु। भ्रमणलाई अभूतपूर्व रुपमा सफल पार्न लागि पर्नुहुने सम्पूर्ण नेपाली दिदीबहिनी तथा दाजुभाइप्रति हार्दिक धन्यवाद ज्ञापन गर्दछु।’
