काठमाण्डौ । विदेश जाने भन्नासाथ पैसा कमाउन भन्ने बुझिन्छ । लाखौँ नेपाली युवाहरु पैसै कमाउनका लागि विदेश जाने गरेको सत्य पनि हो । तर यो सत्यताभित्र लुकेको पीडाहरु धेरै छन् । जुन पीडा हामी विमानस्थलमा हरेक दिन देख्न सक्छौँ ।
घर परिवार छोडेर धन कमाउने आशमा विदेशिनुको पीडा कति छ भन्ने कुरा यो दृश्यले प्रष्ट पार्छ । सुमन रन्जित कामका लागि विदेश जान विमानस्थलबाट विदाई हुँदै गर्दाको यो दृश्यले बताउँछ की लाखौँ युवाहरु यसैगरी बाध्यतामा परेर जन्मभूमि छोडिरहेका छन् ।
सुमनले विमानस्थलबाट विदाई गर्दा छोरी, श्रीमतीलगायत अन्य परिवार भावविह्वल थिए । अबोध छोरीको यो अनुनय विनयलाई लत्याएर विदेश जानुपर्दा सुमन निकै दुखी छन् । स्वदेशमा रोजगार नहुँदाको बाध्यताले नजिकिदै गरेको तिहार पनि मनाउन नपाएको उनको गुनासो छ ।
कतार जान लागेकी तुल्सी सेवाङले धेरै बर्ष भयो तिहार मनाउन नपाएको । पहिलो चोटी कतार जादा पनि तिहारको समय प¥यो । अहिले पनि त्यस्तै । चाडपपर्व मनाउन नपाउनुको पीडा त छदैछ, परिवारबाट टाढा हुँनुपर्दाको वियोगले सताउँछ । उनको पनि गुनासो एउटै छ, स्वदेशमा राम्रो काम पाएको भए यस्तो बाध्यता हुँदैनथ्यो ।
रिता घले पहिलो चोटी साईप्रस जान लागेको बताउँछिन । तिहारको मुखमा आफ्नो दाजुभाईलाइ छोडेर जानु पर्दा उनलाई नरमाईलो लागेको छ । देशमा न रोजगारी छ, न कामअनुसारको पारिश्रमिक । परिवार पाल्नका लागि विदेश जानुपर्ने बाध्यता रितालाई पनि आइलाग्यो ।
यता शर्मिला वाइवा पनि आफ्नो देशमा रोजागार भए कस्लाई रोजगारका लागि बाहिरा जान मन लााग्छ र भन्छिन । सरकारले स्वदेशमै रोजगारी सृजना गर्न नसक्नुको नतिजा हो यो सब । देश र जनताको हितमा काम गर्छु भन्ने सरकार भने आँखा चिम्लेर बसेको छ । विकास र समृद्धि त नारामै सिमित छ । जबसम्म यस्ता युवावर्गलाई स्वेदशमै काम दिन सकिदैन तबसम्म देश पनि विकास हुनै सक्दैन ।
https://www.youtube.com/watch?v=sgLeeqri0e8
