काठमाडौं, १० मंसिर । पूर्व राजा ज्ञानेन्द्र शाहले प्रधानमन्त्री केपी शर्मा ओलीको शिघ्र स्वास्थ्यलाभको कामना गरेका छन् । शल्यक्रिया गरी शिक्षण अस्पताल महाराजगञ्जमा राखिएका ओलीलाई शाहले स्वास्थ्यलाभको कामनासहितको सन्देश पठाएका हुन् ।
मंगलबार साँझ पूर्व राजा शाहका विशेष दूतका रुपमा पशुपतिभक्त महर्जन अस्पताल पुगेर स्वास्थ्यलाभको कामना गरेका हुन् । महर्जनले ओलीलाई भेट्न नपाएपछि निकटस्थहरुलाई भेटे । उनले चिकित्सकसँग भेटेर स्वास्थ्यस्थितिबारे बुझे ।
महर्जन अस्पतालबाट फर्किएर सिधै पूर्व राजासमक्ष पुगेर अवस्थाबारे जानकारी गराए । गणतन्त्र स्थापनापछि पनि पूर्व राजा विशिष्ट व्यक्तिहरुको दुःख सुखमा सामेल हुनेगरेका छन् । File Photo
