मुम्बई, मंसिर २७ । दीपिका पादुकोण दशककै सुन्दर महिलामा गनिएकी छन् । गतबर्ष एसियाकै सेक्सी महिलाको ताज पहिरिएकी दीपिका यसपटक भने दशककै सेक्सी महिलाको स्थानमा पुगेकी हुन । सन् २०१८मा एसियाकै सबैभन्दा सेक्सी महिलाको रुपमा छनौट भएकी उनको ताज यसपटक भने आलिया भट्टले पहिरिएकी छन् ।
बुधबार लन्डनको ‘इस्र्टन आई’ साप्ताहिकले गरेको अनलाईन भोटिङका आधारमा दुबै बलिउड कलाकारले उक्त स्थान हाँसिल गरेका हुन् । आलियाले आफ्नो पक्षमा भएको भोटिङ र एसियाकै सबैभन्दा सेक्सी महिलाको सूचीमा समावेश भएकोमा खुसी व्यक्त गरेकी छन् ।
एसियाको सबैभन्दा सेक्सी महिलाको यो सूचीमा टेलिभिजनकी कलाकार हिना खान तेस्रो र माहिरा खान चौथो स्थानमा छिन् । माहिराले लगातार पाँचौँ बर्षसम्म सबैभन्दा सेक्सी पाकिस्तानी महिलाको उपाधी जितेकी छन् ।
