काठमाडौं,६ पुस । थाईल्यान्डमा आयोजित बक्सिङ प्रतियोगितामा स्वर्ण पदक हासिल गर्ने निलकन्ठ न पा वडा नं ११ धादिङ ज्यामरुङका शंकर धमला सम्मानित भएका छन् । श्री शङ्खादेबी माध्यामिक बिधालय श्री शङ्खादेबी भुतपुर्ब बिधार्थी समाज एबंम निलकण्ठ नगरपालिका वडा नं ११ धादिङले संयुक्त रुपमा धमलालाई सम्मान गरेको हो ।
उक्त कार्यक्रममा भुतपुर्ब विधार्थी शंकर धमलाले हालसालै थाईल्यान्डमा सम्पन्न मुई थाई किक बक्सिङ प्रतियोगिता अन्तर( गत स्वर्ण पदक जितेको खुसियालीमा आयो जना गरिएको थियो । धमलाले चुमेको स्वर्ण पदक यो पहिलो भने होइन । उनले गत वर्ष पनि अन्तर्राष्ट्रियस्तरको स्वर्ण पदक नेपाललाई दिलाईसकेका छन् ।
यो उनको अन्तर्राष्ट्रिय प्रतियोगिताको दोस्रो जित हो। धमलालाई संयुक्त रुपमा प्रशंसा पत्र र दोसल्ला ओढाएर सम्मान गरिएको थियो । बिधालय ब्यबस्थापन समितिका अध्यक्ष राम बबहादुर श्रेष्ठ, भुतपुर्ब बिधार्थी समाजमा अध्यक्ष रामचन्द्र धमला, प्रअ नित्यनन्द सुवेदीलगायत बिभिन्न तहका ब्यक्तित्व एबंम सयौं अभिभाबक बिधार्थीको उपस्थिति रहेको भुतपुर्ब बिधार्थी समाजका सदस्य ज्ञान नारायण श्रेष्ठले बताए।
साथै, उक्त कार्यक्रममा सडक दुर्घटना परी ज्यान गुमाएका स्व राजन धमलाको स्मृतिमा भुतपुर्ब बिधार्थीहरुको तर्फबाट २१० थान पुस्तक बिधालयलाई हस्तान्तरण गरिएको उज्जल धमलाले जानकारी दिए ।
