काठमाडौं, पुस ९ । हलिउड गायिका तथा नायिका टेलर स्विफ्टसँग काम गर्ने चाहना धेरैको हुन्छ। यसै क्रममा हालै गायक तथा नायक इदरिस अल्बा स्विफ्टसँग स्टेजमा लाइभ प्रोग्राम गर्न इच्छुक रहेको बताएका छन्।
अल्बाले यसभन्दा पहिले पनि ग्रामी अवार्ड विजेता स्विफ्टसँग एकै मञ्चमा काम गर्ने चाहना व्यक्त गरेका थिए।
प्रदर्शनमा रहेको फिल्म ‘क्याट्स’मा यी दुवै कलाकारको अभिनय रहेको छ। दर्शकले यो फिल्म उति नरुचाएपछि यसको केही दृश्य पुनः छायांकन गरिएको थियो।‘सबैले स्विफ्टको गीतको बिक्री र उनले जितेको अवार्ड मात्रै देख्छन्।
तर उनले गरेको मेहनतको कसैले नजरअन्दाज गर्दैनन्’ अल्बाले भनेका छन्, म स्विफ्टलाई केही समय पहिलेदेखि जान्दछु। उनी निकै हार्ड वर्क गर्छिन्। उनीसँग लाइभ कार्यक्रम गर्ने अवसर चाँडै आउनेमा विश्वस्त छु।’
इदरिस अल्बाले हालै सियरा लियोनका नागरिकता पाएका छन्। स्थानीय अधिकारीहरूले उनलाई ब्रान्ड अम्बेस्डरका रूपमा काम गर्न अनुरोध गरेका छन्। एजेन्सी
