कञ्चनपुर, १५ पौष । आफ्नै छोरीलाई कुटपिट गरी हत्या गर्ने बाबु पक्राउ परेका छन् । भिमदत्त नगरपालिका- १८ सुकुम्बासी टोलमा बस्ने ३० वर्षीय इन्द्र बहादुर चुनाराले आफ्नो छोरी सुशिला चुनाराको हत्या गरेको प्रहरीले जनाएको छ ।
उनलाई हत्याको आरोपमा सोमबार प्रहरीले पक्राउ गरेका हो । बाबुले मादक पदार्थ सेवन गरेर आफ्नै छोरीलाई कुटपिट गर्दा गम्भीर घाइते भएको खबर प्राप्त हुनासाथ अस्थायी प्रहरी बिटले पक्राउ गरेका जनाइएको छ । कुटपिटबाट गम्भीर घाइते भएकी सुशिलाको अंचल अस्पताल महाकालीमा उपचारको क्रममा मूत्यु भएको हो ।
