पर्सा, १७ पुस । श्रीमतीको हत्या गर्ने श्रीमान् पक्राउ परेका छन् । २३ वर्षीया ललिता देवीलाई कुटपीट गरी हत्या गरेको अभियोगमा पर्सागढी नगरपालिका ५ पचरुखा बस्ने २७ वर्षीय देवा महतोलाई बिहीबार बिहान प्रहरीले पक्राउ गरेको हो ।
महतोले एक महिना अगाडि कुटपिट गर्दा घाइते भएकी ललिताको नारायणी अस्पतालमा उपचारको क्रममा बिहीबार बिहान मृत्यु भएको थियो । जिल्ला प्रहरी कार्यालय पर्सा र ईलाका प्रहरी कार्यालय पोखरीयाबाट खटिएको प्रहरीले महतोलाई पक्राउ गरेको छ ।
यस सम्बन्धमा प्रहरीले थप अनुसन्धान गरिरहेको जनाएको छ ।
