इरानी सैन्य कमान्डर कसिम सोलेमानी अमेरिकी ड्रोन हमलामा बगदादमा मारिंदा अन्य व्यक्तिहरु पनि मारिएका थिए । कुल दश जना मारिएको घटनामा इरानको रेभुलुसनरी गार्डका पाँचजना मारिए । जसमध्ये सोलेमानीका ज्वाईँ पनि थिए ।
घटनामा मारिनेहरुको शव क्षतविक्षत थियो । सोलेमानीको शवको पहिचान काटिएको हातको औंठीबाट भयो । उनी सधै हातमा आकर्षक औंठी लगाउँथे । कलेजी रंगको स्टोन हालिएको औंठी काट्टिएको हातमा जस्ताको तस्तै थियो । जसबाट उनको शव पहिचान भयो ।
शुक्रबार विहानै बगदाद एयरपोर्टमा जाँदै गर्दा सोलेमानी मारिएका थिए । अमेरिकी राष्ट्रपति डोनाल्ड ट्रम्पले उनको हत्याको निर्देशन दिएका थिए । सोलेमानी इरानका दोस्रो शक्तिशाली अधिकारी थिए । उनको इरानी धार्मिक नेतासँग पनि नजिकको सम्बन्ध थियो । –एजेन्सी Photo Source: Indian Express
