काठमाडौं, १४ माघ । महिला प्रहरीलाई अभद्र व्यवहार गरेको आरोपमा प्रहरीको हिरासतमा रहेकी गायिका आस्था राउत सोमबार अस्पताल भर्ना भएकी छिन् । उनको स्वास्थ्यमा एक्कासी समस्या आएपछि उनलाई हिजै सोमबार अस्पताल भर्ना गरिएको थियो ।
त्रिपुरेश्वरस्थित् ब्लुक्रस अस्पताल भर्ना भएकी राउतलाई चर्चित नायिका तथा निर्मात्री रेखा थापाले आज भेट गरेकी छिन् । भेटमा गायिका राउतले आफूले आवेशमा आएर लाईभ भिडियोमा बोल्दा अहिलेको नतिजा भोग्नुपरेको बताएको पनि नायिका थापाले जनाएकी छिन् ।
प्रहरीले राउतलाई हिजो सम्पर्कमा आएपछि नै सिडिओ कार्यालयबाट चार दिनको म्याद थप गरेर अनुशन्धानमा राखेको छ । काठमाडौंबाट भद्रपुर जाने क्रममा गायिका राउतले एयरपोर्टमा ड्युटीमा खटिएकी महिला प्रहरीमाथि अभद्र व्यवहार गरेको आरोप लागेको छ।
