काठमाडौं, माघ २५ । आईसीसी विश्वकप क्रिकेट लिग–२ अन्तर्गतको त्रिकोणात्मक शृंखलामा आज नेपालले अमेरिकाको सामना गर्दैछ।
जारी त्रिकोणात्मक शृंखलामा हालसम्म ओमानले दुई तथा नेपाल र अमेरिकाले एकरएक खेल खेलेका छन्। ओमान दुवै खेलमा विजयी भएको छ। बिहीबार खेलिएको खेलमा ओमानले अमेरिकालाई ६ विकेटले हराएको थियो।
विश्वकप क्रिकेट लिग–२ मा नेपालले आफ्नो दोस्रो खेल खेल्न लागेको हो। यसअघि गत बुधबार खेलिएको आफ्नो पहिलो खेलमा नेपाली टोली ओमानसँग १८ रनले पराजित भएको थियो।
माघ २५ गते नेपाल र अमेरिका, २६ गते नेपाल र ओमान, २८ गते अमेरिका र ओमन तथा २९ गते नेपाल र अमेरिकाबीच प्रतिस्पर्धा हुनेछ।
