दिल्ली, माघ २८ । दिल्ली राज्यको विधानसभा निर्वाचनको मतगणना आज विहानबाट सुरु भएको छ। बिहान ८ बजेबाट सुरु भएको मतगणना अनुसार सत्तारुढ दल आम आदमी पार्टीको अग्रता रहेको छ ।
हाल सम्म आम आदमीले ७० सिट मध्ये ५४ मा अग्रता बनाएको छ भने भारतीय जनता पार्टीले १५ र कांग्रेस आईले १ स्थानमा अग्रता बनाएको छ। यही फेब्रुअरी ८ मा विधानसभाका लागि निर्वाचन भएको थियो। बहुमतका लागि ३६ सिट आवश्यक पर्छ।
यसअघि सन २०१५ मा भएको विधानसभा निर्वाचनमा पनि आम आदमी पार्टीले ७० मध्ये ६७ सिटमा जित हात पारेको थियो भने बाँकी ३ सिट भाजपाले जितेको थियो।
